एप्पलका डिभाइस सफा गर्न कम्पनीले सार्वजनिक गर्याे आफ्नै सफा गर्ने कपडा

हामी सबैले आफ्नो विद्युतिय  उपकरण सफा गर्नका निम्ति कुनै सफा रुमाल वा कपडाको प्रयोग गर्ने गर्दछौँ । डिभाइस सफा गर्नु एकदमै महत्व रहेको बुझेकाले एप्पलले पनि अब आफ्नै सफा गर्ने कपडा सार्वजनिक गरेको छ । अब भने एप्पलका डिभाइस सफा गर्न जुनसुकै कपडा वा कागज प्रयोग गर्नुपर्दैन ।

आफ्नो डिभाइसको ख्याल गर्दै कम्पनीले एप्पल डिभाइसकै लागि भनेर डिभाइस सफा गर्ने कपडा ल्याएको हो । सोमबार राति सम्पन्न लञ्च इभेन्टमा एप्पलले आफ्नो डिभाइस सफा गर्ने कपडा पनि सार्वजनिक गरेको हो ।

कम्पनीका अनुसार यो कपडाको मूल्य १९ अमेरिकी डलर अर्थात करिब २३ सय रुपैयाँको हाराहारी पर्नेछ । अहिलेका लागि विश्वबजारमा सार्वजनिक भएको यो कपडा नेपालमा पनि छिट्टै उपलब्ध हुने कम्पनीले जनाएको छ ।

यो कपडा कुनै डिभाइसको खरिदमा भने निःशुल्क  पाउन सकिदैन् । यो छुट्टै खरिदका लागि बनाईएको हो । कपडामा एप्पलको लोगो अंकित गरिएको छ ।