आईसीटी समाचार
एप्पलले एन्ड्रोइड प्रयोगकर्ताको एयरट्याग प्रयोग गरेर गाडी चोरी हुन नदिनलाई ट्रयाकर डिटेक्ट एप सार्वजनिक गरेको छ । एप्पलको एयरट्याग प्रयोग गरेर गाडी चोरी गर्न थालिएको रिपोर्ट केही दिनअघि सार्वजनिक भएको थियो ।
एप्पलले सन् २०२१ को सुरुवातमा एयरट्याग सार्वजनिक गरेको थियो । यसले हराएको चाबी, झोला आदि खोजिदिनलाई मद्दत पुर्याउने गर्दछ । केही दिनअघि क्यानेडाको योर्क पुलिसले एयरट्यागलाई चोरहरुले दुरुपयोग गर्न थालेको बताएको थियो ।
यसअघि क्यानेडामा चोरहरुले एयरट्याग प्रयोग गरेर गाडी चोरी गर्न थालेको पाइएको थियो । चोरहरुले कसैको गाडीमा एयरट्याग छाडिदिएर त्यहीगाडीलाई ट्रयाक गरेर गाडी चालकको घर थाहा पाउने गर्न थालेका छन् । घर थाहा पाएपछि त्यहाँबाट उनीहरुले गाडी चोरेर लैजाने गर्दछन् ।
गत केही महिनामा एयरट्यागकै कारणले ५ ओटा चोरी भइसकेका छन् । आइफोनबाट केही निर्देशनलाई फलो गरेर त्यो एयरट्यागलाई डिसेबल गर्न सकेतापनि एन्ड्रोइड फोन हुनेहरुका लागि भने यस फिचरले काम गर्दैन् थियो ।
सोही कारणले अननोन एयरट्याग पत्ता लगाउनका लागि ट्रयाकर डिटेक्ट एप एप्पलले सार्वजनिक गरेको हो । यसले प्रयोगकर्ताहरुको गोपनीयता बढाउने एप्पलको विश्वास रहेको छ ।
