आईसीटी समाचार
राष्ट्रिय वाणिज्य बैंक ५७ औं वर्षमा प्रवेश गरेको छ । राष्ट्रिय वाणिज्य बैंक आजकै दिन अर्थात बिं.स. २०२२ माघ १० गते स्थापना भएको थियो ।
राष्ट्रिय वाणिज्य बैंक सरकारी लगानीमा स्थापना भएको बैंक हो । पुस मसान्तसम्म बैंकको कुल निक्षेप २४४ अर्ब रहेको छ । त्यस्तै कुल कर्जा २१३ अर्ब प्रवाह भएको छ ।
राष्ट्रिय वाणिज्य बैंकका देशभर २५८ शाखा कार्यालय रहेका छन् भने २४५ एटिएम रहेका छन् । बैंकले ३ हजार ७५२ जनालाई रोजगारी दिएको छ ।
बैंकका ३७ लाख ग्राहक छन् । बैंकले डिजिटल बैंकिङलाई प्राथमितामा राखेको छ । जस कारण बैंकका १४ लाख मोबाइल बैंकिङ प्रयोगकर्ता छन् ।
५ जना प्रोग्रामरले बनाएको इनहाजस सफ्टवेयरबाट शुरू भएको बैंकको डिजिटल यात्रा थियो । अहिले बैंकको कुल कारोबारको ६५ प्रतिशत कारोबार डिजिटल प्रविधिबाट हुने गरेको छ ।
यसअघि लकडाउनको बेला ७५ प्रतिशतसम्म कारोबार डिजिटलबाट भएको थियो । राष्ट्रिय वाणिज्य बैंकसँग अहिले साढे ५ लाख डेबिट कार्ड प्रयोगकर्ता रहेका छन् ।
बैंकले डबिट कार्ड, क्रेडिट कार्ड, मोबाइल बैंकिङ, इन्टरनेट बैंकिङ, पीओएस, ब्रान्चलेस बैंकिङ लगायतका डिजिटल सेवा प्रदान गर्दै आएको छ । साथै नेपाल टेलिकमसँग मिलेर बैंकले नमस्ते पे वालेट समेत सञ्चालनमा ल्याएको छ ।
यो पनि पढ्नुहोस्ः ५ जना प्रोग्रामरले इनहाउस बनाएको सफ्टवेयरबाट सुरु भएको राष्ट्रिय वाणिज्य बैंकको डिजिटल यात्रा
