प्रतिबन्धका बाबजुद पनि विश्वका शीर्ष १० मूल्यवान ब्राण्डको सूचीमा ह्वावे

सूचना प्रविधि कम्पनी ह्वावे विश्वका १० मूल्यवान ब्राण्डभित्र पर्न सफल भएको छ । सन् २०२२ मा चिनियाँ आईटी कम्पनी ह्वावे विश्वका १० मूल्यवान कम्पनीभित्र पर्न सफल भएको हो ।

यस वर्ष ह्वावे विश्वका १० मूल्यवान ब्राण्ड मध्ये ७१.२ विलियन अमेरिकी डलरसहित ९ नम्बरमा परेको छ । गत वर्ष ह्वावे उक्त सूचीमा १५ औं नम्बरमा रहेको थियो । एक वर्षमै ह्वावेले ६ अंक सुधार गरेको छ ।

अमेरिका लगायत अन्य विभिन्न देशको प्रतिबन्धका बाबजुद पनि ह्वावे विश्वका टप टेन मूल्यवान कम्पनीमा पर्न सफल भएको हो । अमेरिकाले प्रतिबन्ध लगाएपछि अहिले ह्वावेले हार्मोनी ओएस ल्याएको छ । जुन ओएस मोबाइल, कम्प्युटर लगायतका अन्य डिभाइसमा पनि प्रयोग गर्न सकिन्छ ।