आईसीटी समाचार
साओमीले नेपालमा तीन वटा नयाँ पावर ब्याङ्कहरू सार्वजनिक गरेको छ ।
नयाँ उपलब्ध मोडलहरु २२.५ वाटको फास्ट चार्जिङ्ग सहितको सोओमी पावर ब्याङ्क ४ आई १०००० एमएएच, ३३ वाटको सोनिक चार्जसहितको साओमी पावर ब्याङ्क ४ आई २०००० एमएएच र २२.५ वाटको फास्ट चार्जिङ्ग र बिल्ट इन केबलसहितको साओमी पकेट पावर ब्याङ्क १०००० एमएएच रहेका छन् ।
यी उपकरणहरूले विभिन्न प्रयोगकर्ताको आवश्यकतालाई ध्यानमा राखी छिटो चार्जिङ्ग क्षमता, बहु–उपकरण चार्जिङ्ग र कम्प्याक्ट डिजाइनहरू प्रदान गर्ने साओमीको दावी छ ।
साओमी पावर ब्याङ्क ४ आई १०००० एमएएच (२२.५ वाट फास्ट चार्ज)
साओमी पावर ब्याङ्क ४ आई. १०००० एमएएच फास्ट पोर्टेबल पावरको आवश्यकता भएका ग्राहकका लागि उपयुक्त हुन्छ । २२.५ वाटको फास्ट चार्जिङ्ग र टाइप सी पोर्टको साथ यस पावर बैँकले स्मार्टफोन, ट्याब्लेटहरू र अन्य ग्याजेटहरू छिटो चार्ज गर्न मद्दत पुर्याउँदछ ।
यो कम्प्याक्ट डिभाइस युयसबी–ए र यूसबी–सी पोर्टसहित उपलब्ध छ जसले एकै पटकमा तीनवटा ग्याजेहरूलाई चार्ज गर्नसक्छ । उच्च सुरक्षा सुविधाहरू उपलब्ध रहेको यो पावर बैँकले धेरै तात्ने र सर्ट–सर्किट जस्तो समस्याबाट सुरक्षा प्रदान गर्दछ ।
साओमी पावर ब्याङ्क ४ आई २०००० एमएएच (३३ वाट सोनिक चार्ज)
अधिक पावर र लामो प्रयोग आवश्यक पर्नेहरूको लागि साओमी पावर ब्याङ्क ४ आई २०००० एमएएच ३३ वाटको सोनिक चार्ज प्रविधिसहित उपलब्ध रहेको छ । दुईवटा १०००० एमएएचको लिथियम–आयन ब्याट्रीहरू सहित यस पावर ब्याङ्कले दिनभरि एकभन्दा धेरै डिभाइसहरुलाई चार्ज गर्न पर्याप्त ऊर्जा प्रदान गर्ने जनाइएको छ ।
यसको टाइप–सी पोर्टले अन्य डिभाइसका साथै पावर ब्याङ्क स्वयंलाई पनि छिटो दुई–तर्फी चार्जिङ्गको अनुमति दिन्छ । मजबुत निर्माण गुणस्तर र १२–लेयरको सेफ्टी प्रोटेक्सनको साथ, यो पावर बैँक लामो समयसम्मको प्रदर्शनको लागि निमार्ण गरिएको कम्पनीले जनाएको छ ।
साओमी पकेट पावर ब्याङ्क १०००० एमएएच (२२.५ वाटको साथ बिल्ट–इन केबल)
बिल्ट–इन टाइप–सी चार्जिङ्ग केबलसहित साओमीको पकेट पावर ब्याङ्कले सुविधा र स्टाइल दुवै प्रदान गर्ने कम्पनीको भनाइ छ । कम्प्याक्ट र शक्तिशाली यो १०००० एमएएच पावर ब्याङ्कले २२.५ वाटसम्मको चार्जिङ्ग लिन सक्छ भने यसले एकै पटकमा तीनवटा डिभाइसहरूलाई चार्ज गर्न सक्छ । यसको टिकाउपना र पकेट–साइजको डिजाइनले यसलाई हरेक यात्रामा प्रयोग गर्न सहज सकिन्छ ।
बजार उपलब्धता
२२.५ वाटको फास्ट चार्जिङ्गसहितको साओमी पावर ब्याङ्क ४ आई १०००० एमएएच ३ हजार ४९९ रूपैयाँमा उपलब्ध छ भने ३३ वाटको सोनिक चार्जसहितको साओमी पावर ब्याङ्क ४ आई २०००० एमएएच ४ हजार ९९९ रूपैयाँमा उपलब्ध छ । त्यसैगरी २२.५ वाटको फास्ट चार्जिङ्ग र बिल्ट इन केबलसहितको साओमी पकेट पावर ब्याङ्क १०००० एमएएच ४ हजार २९९ रूपैयाँमा उपलब्ध रहेको छ ।
