आईसीटी समाचार
साओमी नेपालका कन्ट्री जेनरल म्यानेजरमा अमित कुमार पाण्डा नियुक्त हुने भएका छन् । उनले आगामी मार्चबाट आफ्नो पदभार सम्हाल्ने भएका छन् ।
अहिलेसम्म सौरभ कोठारीले नै कन्ट्री महाप्रबन्धकको जिम्मेवारी सम्हाल्दै आएका छन् । कोठारीले एक प्रेस विज्ञप्ति जारी गर्दै नयाँ कन्ट्री महाप्रबन्धक बारेमा जानकारी दिएका हुन् । उनले पनि मार्च देखि साओमीको अर्कै तहको जिम्मेवारी सम्हाल्ने र आफ्नो अहिलेको पदबाट मुक्त हुने जानकारी दिएका हुन् ।
आफ्नो नेतृत्वमा साओमी नेपालकै सर्वाेत्कृष्ट स्मार्टफोन ब्राण्ड बन्न सफल भएको कोठारीको भनाइ छ । गत दुई वर्ष देखि साओमी नेपालको सर्वाेत्कृष्ट स्मार्टफोन ब्राण्ड भईरहेको देख्दा एक्दमै खुशी लागेको उनले बताए ।
साओमीले नेपाली बजारमा विगत वर्षको तुलनामा प्रडक्टको पनि विस्तार गरेको छ, जसमा साओमी स्मार्ट टिभी, एमआई एयर प्युरिफायर थ्री, फिट्नेशब्याण्ड र अरु सामानहरु रहेका छन् ।
कोठारीले यस सफलताको श्रेय आफ्ना २ हजार जना पार्टनरहरुलाई पनि दिएका छन् । पाण्डा विगत सात वर्ष देखि साओमीमा काम गर्दै आएका छन् र उनको नेतृत्वमा कम्पनीको अझै विकास हुने कोठारीको विश्वास छ ।
