आईसीटी समाचार
चिप अभावका कारण फोर्ड कम्पनी पनि मारमा परेको छ । विश्वमा अहिले चिप अभाव हुँदा नयाँ उपकरणको विकासमा एकदमै बाधा पुग्दै आएको छ । जसको असर फोर्डमा पनि देखिएको हो ।
फोर्डले उत्तर अमेरिकी प्लान्टलाई गाडीको निर्माणदर कम गर्न लगाएको छ । कोरोना महामारी बढेसँगै चिपको अभाव बढिरहेको छ, जसले गर्दा धेरै प्राविधिक कम्पनीहरुलाई समस्या पारिरहेको छ ।
चिप निर्माता कम्पनीले आफ्नो पूर्ण क्षमतामा चिप उत्पादन गर्दा पनि बजारको मागलाई धान्न सकिरहेका छैनन् । यही कारणले केही कम्पनीले चिप उत्पादन गर्न नयाँ प्लान्टसमेत निर्माण गरिरहेका छन् ।
यही चिप अभावको मारमा फोर्ड पनि परेको हो । ब्लुमवर्ग र द वाशिङटन पोष्टको रिपोर्ट अनुसार सेमिकण्डक्टर सप्लाई चेनले रिपोर्ट प्रकाशन गरेको छ, जसमा विश्वव्यापी चिप अभाव सन् २०२२ को दोस्रो भागसम्म रहिरहने बताइएको छ ।
