आईसीटी समाचार
सामसङका आगामी ग्यालेक्सी डिभाइसहरु रिसाइकल गरिएको माछा मार्ने जालोबाट निर्माण गरिने भएको छ ।फेब्रुअरी ९ मा सार्वजनिक हुने ग्यालेक्सी एस लाइनअपमा दुवै नयाँ र रिसाइकल गरिएको पदार्थ प्रयोग गरिनेछ ।
कम्पनीले समुद्य्रमा छोडिएको माछा जालको प्लास्टिकहरुलाई प्रयोग गरेर स्मार्टफोन बनाइरहेको खुलाएको छ । दुई दिन पछि घोषणा गरिने डिभाइस लाइनअपमा सूरमा यस्तो रिसाइकल गरिएको प्लास्टिक प्रयोग गरिनेछ र त्यसपछि सम्पूर्ण डिभाइस लाइनअप यस्तो सामाग्री प्रयोग गरिनेछ ।
समुद्र प्रदुषणमा हामीले प्लास्टिक बोटल वा अरु फोहोरलाई प्रमुख कारक भनठान्छौँ तर प्रदुषण गराउने कारकमा माइक्तोप्लास्टिक र फालिएको जाल हुने गर्दछ ।
हरेक वर्ष ६ लाख ४० हजार टन माछा मार्ने जालो समुद्रमै छोडिन्छ र यसले जलचरहरुका लागि निकै समस्या सिर्जना गरिरहेको छ । गत वर्ष समुद्रमा रहेको प्लस्टिकबाट सामसङले प्लास्टिक माउस पनि बनाएको थियो ।
