आईसीटी समाचार
कार्टुन जनावरको प्रयोग गरेर ग्यालेक्सी वाच फोरले प्रयोगकर्ताको निद्रा ट्रयाक गर्ने भएको छ । ग्यालेक्सी वाच फोर र ग्यालेक्सी वाच फोर क्लासिक दुवैमा नयाँ स्वास्थ्य र फिटनेश फिचरहरु हुनेछन् ।
वाचमा कस्टम इन्टरभल ट्रेनिङको फिचर पनि हुनेछ । त्यस्तै वाचमा स्लीप कोचिङ र बडी कम्पनेजिसन गोल राख्न मिल्ने सेटिङ्ग पनि रहेको छ । ग्यालेक्सी वाच फोर र ग्यालेक्सी वाच फोर क्लासिकमा पनि गूगल एसिस्टेन्टका लागि केही समय पर्खिनु पर्ने हुन्छ ।
पहिलेको स्मार्टवाचहरु स्लीप कोचिङमा त्यति राम्रो नभएको कारणले यस पालिको वाचमा भने सामसगंले प्रयोगकर्ताको क्रोनोटाइपलाई आठ ओटा बेग्लाबेग्लै कार्टुन जनावरमा वर्गीकरण गरेको छ ।
यसले तपाईको निन्द्राको प्याटर्नलाई एक हप्तासम्म ट्रयाक गर्ने गर्दछ र यो समयअन्तरालमा तपाईको निद्राको प्याटर्नबारे दुई ओटा सर्वेक्षण पनि सञ्चालन हुन्छ ।
कम्पनीको अनुसार यसपछि वाचले तपाईलाई आठ ओटा मध्य एउटा जनावर तोकिदिन्छ जसले तपाईको निद्राको प्याटर्नलाई प्रतिनिधित्व गर्नेछ ।
वाचले ४ देखि ५ हप्ते प्रोग्रामको अप्सन पनि दिन्छ, जसले तपाईको निन्द्राको गुणस्तरीयतालाई बढाउनमा मद्दत गर्नेछ ।
ग्यालेक्सी वाच फोर र ग्यालेक्सी वाच फोर क्लासिकमा थ्रि इन वान बायोसेन्सर पनि राखिएको छ, जसले तपाईको शरीरमा कति प्रतिशत फ्याट छ र कति प्रतिशत नन फ्याट छ भनेर बताउने गर्दछ ।
