आईसीटी समाचार
नेपाल दूरसञ्चार प्राधिकरणका निमित्त अध्यक्ष पुरुषोत्तम खनालले दूरसञ्चार क्षेत्रमा मन्त्रालय र प्राधिकरणबाट सञ्चालन भइरहेका विकास आयोजनाका काम नरोकियोस् भन्नेमा आफू केन्द्रित रहेको बताएका छन् ।
दिगम्बर झाले प्राधिकरण अध्यक्षबाट राजिनामा दिएपछि दुई हप्ताअघि प्राधिकरणको निमित्त अध्यक्ष बनेका उनले आफू निमित्त प्रमुखको हैसियतले नियमित आयोजना र दैनिक प्रशासनिक काम मात्रै हेर्ने बताए ।
‘बोर्डमा गएर हुनुपर्ने कतिपय काम हुन सकिरहेका छैनन् । नेपाल सरकारले दूरसञ्चार ऐनअनुसार बाधा अड्काउ फुकाउन सक्छ । बाधा अड्काउ फुकाएर बोर्ड बैठक सञ्चालन गर्ने अधिकार दिने तयारी गरिरहेको सुनेको छु । यदि यस्तो भयो भने दूरसञ्चार क्षेत्रका महत्वपूर्ण निर्णय अगाडि बढ्ने थिए,’ उनले भने ।
ग्रामीण क्षेत्रमा ब्रोडब्यान्ड सेवाको विस्तार प्रत्येक स्थानीय तहमा पुर्याउनमा आफ्नो नेतृत्वको जोड रहने उनले बताए । त्यस्तै काठमाडौं उपत्यकामा जथाभावी टाँगिएका तारहरुको व्यवस्थापनका लागि इन्टरनेट सेवा प्रदायकहरुसँग छलफल गरिरहेको उनले जानकारी दिए ।
प्राधिकरणमार्फत् मोबाइलको ग्रे मार्केटलाई रोक्दै इक्विपमेन्ट आइडेन्टिटी रजिष्ट्री सिस्टमलाई व्यवस्थापन गर्न लागिपर्ने समेत उनले बताए ।
उनीसँग लिइएको विस्तृत अन्तवार्ता लिभिङ विथ आइसिटीकाे माघ अंकमा प्रकाशन हुने छ ।
भिडियाे हेर्नुहाेस् :
https://www.youtube.com/watch?v=Z3fyqlHCj2Y
