आईसीटी समाचार
नागरिक एपमा नयाँ सुविधा थप भएका छन् । एपमा ड्राइभिङ लाइसेन्स र माई मुनिसिपालिटी नामक दुई नयाँ अप्सन थप भएका हुन् ।
यो सेवा हाल एन्ड्रोइडमा मात्र उपलब्ध रहेको छ । यसका लागि प्लेस्टोरेमा गएर नागरिक एपलाई अपडेट गर्नुहोस् ।
अब आफ्नो ड्राइभिङ लाइसेन्सलाई नागरिक एपमा लिंक गर्न र हेर्न सकिने छ । त्यस्तै माई मुनिसिपालिटीबाट देशभरका ७५३ वटै स्थानीय तहको बारेमा जानकारी लिन सकिन्छ ।
साथै फागुन १ गतेदेखि नागरिक एपबाट बागमती प्रदेशमा दर्ता भएका सवारी साधनको कर समेत भुक्तानी गर्न सकिन्छ । यो सुविधा एन्ड्रोइड र आईओएस दुबैमा उपलब्ध रहेको छ । यदी तपाईको छैन् भने नागरिक एपको नयाँ भर्सन अपडेट गर्नुहोला ।
