आईसीटी समाचार
रिप्पलले इन्टेलको १२ औँ जेनेरेशन प्रोससर प्रयोग गरिएको नोभा प्रो सार्वजनिक गरेको छ । यसमा इन्टेलको १२ औँ जेनेरेशन प्रोससर इन्टेल १२७०० एच चिपसेट र एनभिडिया आरटिएक्स ३०६० चिप रहेको छ ।
रिप्पल नेपालको आफ्नै ल्यापटप ब्राण्ड हो । कम्पनीले विदेशबाट सामान ल्याएर नेपालमै ल्यापटप एसेम्बल गरेर बिक्री गर्दै आएको छ ।
यो अहिले नेपाली बजारमा भएको सबैभन्दा शक्तिशाली गेमिङ ल्यापटप हो । आकर्षक डिजाइनका साथमा उपलब्ध भएको नोभा प्रोमा १५.६ इच्नको डिस्प्ले रहेको छ ।
१.९१ किलो तौल रहेको यस ल्यापटप तपाईको ब्याग प्याकमा सजिलै अट्न सक्छ । यसमा १६५ हर्जको रिफ्रेस रेट पनि रहेको छ । नोभा प्रोमा अडिया सिस्टम पनि एकदमै गुणस्तरीय रहेको छ ।
एनभिडिया आरटिएक्स ३०६० चिपले ग्राफिकल गेमहरु पनि सजिलै खेल्न दिने गर्दछ । नोभा प्रोमा दुई ओटा टाएप ए पोर्ट, एउटा यूएसबस् ३.१, एउटा यूएसबी २.० र एउटा यूएसबी ३.१ पोर्ट रहेका छन् ।
यसमा एचडीएमआई २.१ पोर्ट पनि रहेको छ । ल्यापटपमा ६२.३२ डब्लुएचको ब्याट्री रहेको छ । ब्याट्री साधारणतय ५ घण्टासम्म टिक्ने गर्दछ ।
डिभाइसमा आफ्नै कुलिङ सिस्टम पनि रहेको छ । प्रयोगकर्ताले आफ्नो खपत अनुसार एक टेराबाईट सम्मको एसएसडी कार्ड हाल्न सक्नेछन् ।
नोभा प्रोको २ लाख १० हजार रुपैयाँ पर्ने गर्दछ । प्रिअर्डर गरेबापत प्रयोगकर्ताहरुले २२ हजार रुपैयाँ सम्म छुट पाउन सक्नेछन् ।
