आईसीटी समाचार
नेपाली ल्यापटप ब्राण्ड रिप्पलले नयाँ ल्यापटप नोभा सार्वजनिक गरेको छ । कम्पनीले विदेशबाट सामान ल्याएर नेपालमै ल्यापटप एसेम्बल गरेर रिप्पल नोभा ल्यापटप सार्वजनिक गरेको हो ।
यसमा इन्टेलको १२ औँ जेनेरेशन प्रोससर इन्टेल १२५०० एच चिपसेट र एनभिडिया आरटिएक्स ३०५० टिआई चिप रहेको छ ।
आकर्षक डिजाइनका साथमा उपलब्ध भएको नोभामा १५.६ इन्चको डिस्प्ले रहेको छ । १.९१ किलो तौल रहेको यस ल्यापटप तपाईको ब्याग प्याकमा सजिलै अट्न सक्छ ।
नोभामा अडिया सिस्टम पनि एकदमै गुणस्तरीय रहेको छ । ल्यापटपमा ६२.३२ डब्लुएचको ब्याट्री रहेको छ । नोभामा दुई ओटा यूएसबी ३.१ पोर्ट, एउटा एउटा यूएसबी २.० र एउटा टाइप सी पोर्ट रहेका छन् । यसमा एचडीएमआई २.१ पोर्ट पनि रहेको छ ।
यसमा १४४ हर्जको रिफ्रेस रेट पनि रहेको छ । यसमा साउण्ड ब्लास्टर एसबी सी सिक्स पनि रहेको छ जसले एकदमै गुणस्तरीय अडियो सिस्टम प्रदान गर्ने गर्दछ ।
यसमा ८ जिबीको मेमोरी रहेको छ र २५६ जिबीको एसएसडी स्टोरोज रहेको छ । ब्याट्री साधारणतय ५ घण्टासम्म टिक्ने गर्दछ । डिभाइसमा आफ्नै कुलिङ सिस्टम पनि रहेको छ ।
ल्यापटपको १ लाख ५० हजार रुपैयाँ पर्ने गर्दछ । प्रिअर्डर गरेबापत प्रयोगकर्ताहरुले १२ हजार रुपैयाँ सम्म छुट पाउन सक्नेछन् । प्रयोगकर्ताले आफ्नो खपत अनुसार एक टेराबाईट सम्मको एसएसडी कार्ड हाल्न सक्नेछन् ।
