आईसीटी समाचार
आगामी फेब्रुअरी २२ मा अबको परिवर्तन, डिजिटल शिक्षासँगै नारासहित नेपालमा पनि डिजिटल लर्निङ डे मनाइने भएको छ । निमा एकेडेमीको आयोजनामा यस वर्ष पनि डिजिटल लर्निङ डे मनाउन लागिएको हो ।
२०१९ देखि निमा एकेडेमीले संस्थागत सामाजिक उत्तरदायित्वको रूपमा नेपालमा डिजिटल लर्निङ डे यस वर्ष पनि मनाउन शुरू गरेको थियो । हरेक वर्ष फेब्रुअरी २२ मा नेपालसहित विश्वभर डिजिटल लर्निङ डे मनाइन्छ ।
एकेडेमीले यस वर्षको डिजिटल लर्निङ डे भर्चुअल माध्यमबाट मनाउने तयारी गरेको छ । फेब्रुअरी २२ देखि २६ सम्म विभिन्न जनचेतना कार्यक्रम आयोजना गरी डिजिटल लर्निङ डे मनाउने निमा एकेडेमीले जनाएको छ ।
भाइबर, इसेवा, कारखाना, जेनेस क्लाउड एकेडेमी, लिभिङ विथ आइसिटी, कनेक्ट आईपीएस, नेपाल टेलिकम, भायानेट, आईएमई पे, खल्ती, पिक्सेल टचको सहकार्यमा निमा एकेडेमीले डिजिटल लर्निङ डे मनाउँदै छ ।
सबै विद्यार्थीहरूका लागि नवीन डिजिटल शिक्षा र पहुँचको वकालत गर्न फेब्रुअरी, २०१२ देखि डिजिटल लर्निङ दिवस विश्वव्यापी रूपमा मनाउन शुरु गरिएको थियो ।
