आईसीटी समाचार
अब डेबिट तथा क्रेडिट कार्डबाट मोबाइल वालेट नमस्ते पेमा पैसा राख्न सकिने भएको छ । यसअघि मोबाइल बैंकिङ, इन्टरनेट बैंकिङ र कनेक्ट आईपीएसबाट पैसा लोड गर्न सकिने व्यवस्था रहेको थियो ।
अब डेबिट तथा क्रेडिट कार्डबाट पैसा लोड गर्न सकिने सुविधा थप भएको हो । नमस्ते पेमा नेपाल टेलिकम र राष्ट्रिय वाणिज्य बैंकको सयुक्त लगानी रहेको छ ।
नमस्ते पेमा हाल टपअप, विद्युत, खानेपानीको बिल भुक्तानी लगायतका सुविधा छन् । नमस्ते पेमा हाल ४० भन्दा बढी बैंक तथा वित्तिय संस्थाबाट पैसा लोड गर्न सकिन्छ ।
रेमिट्यान्स, मुभि, टिभी,इन्स्योरेन्स प्रिमियम, सरकारी भुक्तानी, बस टिकट, होटल बुकिङ, हेल्थ केयर, डिम्याट, फ्लाइट टिकेट, इन्टरनेट, एजुकेसन लगायतका सेवा पनि नमस्ते पेमा केही समयमा उपलब्ध हुनेछन् ।
