आईसीटी समाचार
नेपालमै पहिलो पटक रोबोटिक आर्म प्रविधिबाट विराट मेडिकल कलेज एण्ड टिचिङ अस्पताल बुढीगंगा मोरङमा शल्यक्रिया गरिएको छ ।
यस प्रविधिको प्रयोगले एम डाक्टरले गरेझैँ कठिनभन्दा कठिन शल्यक्रिया रोबोटले आफै गर्न सक्ने कलेजका अध्यक्ष डा. ज्ञानेन्द्रमानसिंह कार्कीले बताएका छन् ।
यसले थुप्रै रोगको शल्यक्रियामा सघाउने पनि अस्पतालको आशा रहेको छ । रोबोटलाई दुवै आवाज वा मेकानिकल तरिकाबाट शल्यचिकित्सकले नियन्त्रण वा निर्देशन गर्न सक्नेछन् ।
शल्यक्रिया गर्ने रोबोटको अवधारणा सायन्स फिक्शन फिल्मबाट बाहिरको जस्तो लाग्न सक्छ, तर शल्यक्रिया कोठामा रोबोटहरु धेरै लोकप्रिय हुँदैछन् ।
मेडिकल कलेजले शुक्रबार जारी गरेको प्रेस विज्ञप्तिमा रोवोटिक आम प्रविधि सुरु गरेपछि हालसम्म २० वटा शल्यक्रिया गरिसकेको उल्लेख छ ।
