आईसीटी समाचार
एआई स्टार्टअप कम्पनी डकसुमोले करिब ४३ करोड रूपैयाँ लगानी उठाएको छ । सन् २०१९ मा स्थापना भएको डकसुमोले बीउ पूँजीको रूपमा ४३ करोड रूपैयाँ उठाएको हो ।
डकसुमो युवा नेपाली डाटा वैज्ञानिक विक्रम दाहाल र उनका भारतीय साथी रुषभ सेठले संस्थापक गरेका थिए । नेपालका स्वदेशी डाटा वैज्ञानिक र इन्जिनियरहरूद्वारा सञ्चान भएकाले व्यवसायहरूलाई वित्तीय कागजातहरू स्वचालित रूपमा पढ्न र त्यसको आधारमा निर्णय गर्ने मद्दत गर्ने कम्पनीले जनाएको छ ।
अहिले फण्डिङ राउन्डमा फ्प्थि वाल, एर्बर रियालिटी ट्रष्ट र वर्तमान लगानीकर्ता बेटर क्यापिटल सहभागिता भएका थिए ।
नयाँ लगानी नेपाल र भारतमा आफ्नो बढ्दो कर्मचारी टिमलाई विस्तार गर्न र उत्तर अमेरिकी बजारमा आफ्नो ग्राहक-आधार बढाउन प्रयोग गर्ने योजना रहेको कम्पनीले बताएको छ ।
नयाँ लगानीलाई सेवा विस्तार र जनशक्तिमा प्रयोग गरिने डकसुमोका संस्थापक विक्रम दाहालले बताए । ‘हामीलाई पहिलो दिनदेखि नै नेपालबाट ग्लोबल सास सफ्टवेयर बनाउन सकिन्छ भन्ने विश्वास थियो । हामीसँग हाल काठमाडौंमा २५ डाटा साइन्टिस्ट र इन्जिनियरहरू काम गरिरहेका छन्,’ उनले भने, ‘हामी यो वर्षको अन्त्यसम्ममा यो संख्या १०० पुर्याउने योजनामा छौं । हाम्रो उद्देश्य नेपाललाई इजरायल जस्तै टेक्नोलोजी हब बनाउन मद्दत गर्ने हो ।’
पछिल्लो १२ महिनामा डकसुमोले मुम्बई र काठमाण्डौंमा आफ्नो टिम बढाएको छ र आम्दानीमा ६ गुणा वृद्धि गरेको छ ।
यसले हाल संयुक्त राज्य अमेरिका र एशियाका प्रमुख उद्यमहरूलाई सेवा दिन्छ । डकसुमोले यसअघि प्रि-सीड राउन्डमा २ लाख २० हजार अमेरिकी डलर लगानी उठाएको थियो ।
कमन ओसीयनका जनरल पार्टनर इगोर युलिसले आफुहरूले पोर्टफोलियो कम्पनीहरूमा डकसुमोको प्रविधि प्रयोग गरेको र महत्वपूर्ण व्यापारिक निर्णयहरू स्वचालित प्रभावकारी रहेको बताए ।
नयाँ लगानीसँगै ग्राहक अनबोर्डिङ, आम्दानी प्रमाणीकरण, वित्तीय ठगी पत्ता लगाउने, अन्डर राइटिङका लागि डेटा र विश्लेषकहरूले हाल ह्यान्डल गरेका अन्य महत्वपूर्ण, दैनिक कार्यहरू समेट्नका लागि आफ्ना उत्पादनहरू बढाउने योजना बनाएको कम्पनीका अर्का संस्थापक रूषभले बताए ।
उनले भने, ‘कोभिडले उद्यम स्वचालन र व्यापारका प्रक्रियाहरूको थप एपीआई-फिकेशनलाई अगाडि बढाएको छ । यी दुवै हाम्रो सफ्टवेयरलाई छिटो अंगाल्न सघाउ गर्ने उत्कृष्ट सहयोगी तत्वहरू हुन् ।’
