आईसीटी समाचार
नेपाल नागरिक उड्डयन प्राधिकरणले जफत भएका ड्रोन बिक्री गर्ने भएको छ । सम्बन्धित निकायबाट जफत भएर प्राधिकरणमा आएका २० वटा मानवरहित उपकरण अर्थात ड्रोन लिलाम बिक्री गरिने भएको हो ।
लिलाम बिक्रीका लागि प्राधिकरणले बुधबार सिलबन्दी बोलपत्र आह्वान गरेको छ । हाल जे जस्तो अवस्थामा छन् सोही अवस्थामा ड्रोनको लिलाम बिक्री गरिने प्राधिकरणले जनाएको छ ।
प्राधिकरणले २० वटा ड्रोनको न्यूनतम कबोल मूल्य (मूल्य अभिवृद्धि करसहित) ७ लाख ५९ हजार ४ सय ८ रुपैयाँ तोखिएको छ । बोलकबोल दाताले आफुले कबोल गरेको रकमको १० प्रतिशत रकम बैंकमा जम्मा गर्नुपर्नेछ ।
खरिद गर्न इच्छुकहरुले १५ दिन भित्र सिलबन्दी बोलपत्र दिने सक्ने प्राधिकरणले जनाएको छ । यसबारे थप जानकारी लिन यहाँ क्लिक गर्नुहोस् ।
सरकारले सम्पदा, मठमन्दिर, सुरक्षा संवेदनशीलता लगायतका निश्चित क्षेत्रमा ड्रोन उडाउन नपाउने व्यवस्था गरेको छ । उक्त क्षेत्रमा ड्रोन उडाउन प्रशासनबाट अनुमति लिनु पर्छ । तर अनुमति बिना ड्रोन उडायमा त्यस्ता ड्रोन प्रहरीले नियन्त्रणमा लिन सक्छ ।
