आईसीटी समाचार
यूरोपेली यूनियनले गूगललाई रुसी स्टेट मिडिया वेबसाईटलाई सर्चबाट हटाउनका लागि आग्रह गरेको छ । गूगलले यूरोपेली यूनियनले पठाएको चिठीलाई डेटाबेसमा अपलोड गरेर यसबारेमा जानकारी दिएको हो ।
चिठीमा यूरोपेली यूनियनले आरटी र स्पुतनिकको प्रसारणमा प्रतिबन्द लगाउन भनिएको छ । यही कुरा अरु सर्च इन्जिन र इन्टरनेट कम्पनीहरका लागि पनि लागु हुनेछ ।
रुसले युक्रेनमाथि आक्रमण गरेकाले यूरोपेली यूनियनले गूगललाई यस्तो आग्रह गरेको हो । सर्च इन्जिनले सूचनाको वितरणमा विशेष भूमिका खेल्ने भएकाले रुसलाई अफवाहहरु फैलाउनबाट रोक्नका लागि रुसको स्टेट मिडिया वेबसाईटलाई सर्चबाट हटाउन आग्रह गरिएको हो ।
यो कुरा गूगलले लागु गरेमा प्रयोगकर्ताहरुले स्टेट मिडियाहरुको सामाग्री सेयर गर्ने वा स्क्रीनसट लिएर पोस्ट पनि गर्न पाउँदैनन् ।
