विपि कोइराला इन्स्टिच्युट अफ हेल्थ साइन्समा आयोजना भएको हल्ट प्राइजको फिनाले सम्पन्न

बिपि कोइराला इन्स्टिच्युट अफ हेल्थ साइन्स (बिपिकेआईएचएस) मा सफलतापूवर्क हल्टप्राइज सम्पन्न भएको छ । गत मार्च १२ हल्टप्राइज एट बिपिकेआईएचएस फिनाले सम्पन्न भएको हो ।

कलेजमा ओरियन्टेसनबाट सुरु भएको हल्टप्राइज कार्यक्रममा दुई ओटा उद्यमशीलतामा आधारित टक सिरिज, चार ओटा वर्कशप र तीन दिने मेन्टरशीप सेसन आयोजना गरिएको थियो । यसमा बिपिकेआईएचएसका सदस्यहरुले राम्रो सहभागिता देखाएको आयोजकले जनाएको छ ।

कार्यक्रमहरु जूम मार्फत सञ्चालन गरिएको थियो र १२० जना सहभागीहरुले कार्यक्रममा सहभागिता जनाएका थिए । कार्यक्रममा ८ जना टोली सहभागी भएका थिए ।

कार्यक्रमको सञ्चालन शशांक भट्टराई र अनु श्रेष्ठले गरेका थिए । कार्यक्रमको निर्णायक टोलीमा ग्लोबल साइबर सेक्युरिटी कम्पनी क्रातिकालका सहसंस्थापक दिपजंग थापा, वैदेशिक रोजगारी विभागका महानिर्देशक शेष नारायण पौडेल र शिक्षा टेक्नोलोजीका निर्देशक मिलन थापा रहेका थिए ।

उनीहरुले सहभागीहरुको प्रश्नहरुको पनि क्यूएनए सेसनमा जवाफ दिएका थिए । निर्णायक मण्डलले उद्यमी बन्दाको अनुभव, चुनौति र अवसर बारेमा पनि बताएका थिए ।

कार्यक्रमको विजयी एबिएस टिम बन्न सफल भएको थियो जस टिममा अजय सिंह, बर्साना अधिकारी र सुमित यादव रहेका थिए ।

त्यस्तै पहिलो रनर अप टिम लक्ष्या बनेको थियो, जसमा सुमिर हुसेन, मिरा देवी आचार्य, सरक्षा सिग्देल र सन्जीला लामा रहेको थिए र तेस्रो रनर अप समूह टिम आसार्य बन्न पुगेको थियो । यस टिममा सुमित धमला, आस्था थापा, यमुना रोकाया र रिवाज भण्डारी रहेका थिए ।