आईसीटी समाचार
कप्तान पारस खड्काले एक दिवसीय खेलमा नेपालको लागि पहिलो शतक प्रहार गर्दा दुबईमा जारी युएई विरुद्धको तीनको श्रंखला नेपालले २–१ ले आफ्नो पक्षमा पारेको छ ।
यो जीतसँगै नेपाललाई क्रिकेटमा ऐतिहासिक सफलता मिलेको छ । यसअघि नेदरल्यान्डविरुद्ध १-१ को बराबरी खेलेको नेपालले युएईलाई पराजित गर्दै पहिलो ओडिआई सिरिज जित्न सफल भएको हो ।
युएईले दिएको २५५ रनको लक्ष्य नेपालले ४४.४ ओभरमा ६ विकेट गुमाउँदै पुरा गर्यो।
युएई विरुद्ध पारसले ऐतिहासिक उपलब्धि हाँसिल गर्ने क्रममा १३ चौका र १ छक्का प्रहार गरेका थिए।
यसअघि उपकप्तान ज्ञानेन्द्र मल्लले ३१ रन बनाउँदा डेब्यु खेलाडी सुन्दीप जोराले १९ रन जोडे। एक दिवसीयमा डेब्यू गरेका जोराले २० बल खेल्दै १ छक्का र १ चौका प्रहार गरेका थिए।
यस्तै रोहित कुमार पौडेलले १६ रन बनाउँदा बिनोद भण्डारीले ९ रन जोडे।
दीपेन्द्र सिंह ऐरी ६ रनमा आउट भएका थिए।
यस्तै आरिफ शेखले २१ रन बनाउँदा सोमपाल कामीले २६ रन बनाएर नटआउट रहे।
नेपालका लागि करण केसीले दुई विकेट लिए । सन्दीप लामिछाने, कप्तान पारस खड्का र सोमपाल कामीले समान १–१ विकेट लिए ।
नेपालले युएई विरुद्ध अब ३१ जनवरीदेखि ३ फेब्रुअरीसम्म अन्तर्राष्ट्रिय टि–२० सिरिज खेल्ने कार्यक्रम छ । टि–२० सिरिजका सबै खेलहरु आइसीसी एकेडेमी ग्राउण्ड मै हुनेछन् ।
