नास्टले आयोजना गरेको बागमती प्रदेश इन्नोभेसन प्रदर्शनी शुरू

नेपाल विज्ञान तथा प्रविधि प्रज्ञा प्रतिष्ठान (नास्ट) ले आयोजना गरेको बागमती प्रदेश इन्नोभेसन प्रदर्शनी शुरू भएको छ । बागमती प्रदेशको प्रदर्शनी नास्टको कार्यालय खुमलटारमा शुरू भएको हो ।

कार्यक्रममा विद्यार्थी लगायत विभिन्न सरकारवाला निकाहरूको सहभागी रहेको छ । प्रदर्शनीमा विज्ञान, प्रविधि सम्बन्धि विभिन्न परियोजना अवलोकनमा राखिएको छ ।

उक्त कार्यक्रममा प्रदर्शनी लगायत इन्नो टक, इन्नोभेटिभ आइडिया शेयरिङ, इन्नोभेसन डाइलग, स्टेकहोल्डर मिटिङ पनि हुनेछन् ।

नेसनल इन्नोभेसन डिजिटल नेटवर्क र नास्टको आयोजना तथा दि एशिया फाउन्डेसन, रोबोटिक्स एशोसिएसन नेपाल, नक्शा र युकेएडको सहयोगमा प्रादेशिक इन्नोभेसन प्रदर्शनी बागमती बाहेकका अन्य प्रदेशमा सम्पन्न भइसकेको छ ।
प्रदर्शनी गत फागुन २० गतेबाट शुरू भएको थियो ।