आईसीटी समाचार
गर्ल्स इन टेक नेपालले निड अफ वुमन इन डेटा अगेन्स्ट जेन्डर बायस इन एआई भन्ने विषयमा प्यानल डिस्कसन सम्पन्न गरेको छ । गत २० मार्चमा सञ्चालन गरिएको सो कार्यक्रमलाई युकेएड नेपाल, डेभलपमेन्ट इनिसियटिभ, द एसिया फाउण्डेशन र डेटा फर डेभलपमेन्ट नेपालले सहयोग रहेको थिए ।
कार्यक्रममा ६५ बढीको सहभागिता थियो । प्यानलिस्टको रुपमा दराज नेपालको प्रबन्ध निर्देशक आँचल कुवँर, डिअरहोल्डको नेपाल अप्रेशनको निर्देशक सचिन करणजित, नामीमा अनुसन्धान कर्ता श्रेयेशा पौडेल र फ्युज मेशिनमा एआइर्ए र प्रडक्ट विभागको प्रबन्धक राकेश कटुवाल रहेका थिए ।
छलफलमा विशेषगरी डेटामा बायस भएमा त्यसले एलगोरिदमलाई र अन्ततः जीवनलाईनै प्रभाव पार्नेबारेमा छलफल गरिएको थियो ।
बायसलाई व्यवस्थित गर्नमा कार्यकारी र व्यवसायी नेतृत्वहरुको ठूलो भूमिका हुने कुरा पनि छलफलमा उठान गरिएको थियो । प्रविधि सबैका लागि सर्वसुलभ बनाउनुपर्ने पनि प्यानल डिस्कसनमा जोड दिइएको थियो ।
