आईसीटी समाचार
भिभोले भि श्रृंखलामा नयाँ स्मार्टफोन सार्वजनिक गर्ने तयारी गरेको छ । भि २३ फाइभजी चाडै नै नेपाली बजारहरूमा उपभोक्ताहरूका लागि उपलब्ध कम्पनीले जनाएको छ । भि२३ फाइभजी विशिष्ट रगं परिवर्तन हुने ग्लास डिजाइन र फाइभजी कनेक्टिभिटी साथ आउने जनाइएको छ ।
समाचारअनुसार भि श्रृंखलाका फोन भएकाले सेल्फी क्यामेरा यसको प्रमुख फोकस क्षेत्र हुनेछ । यो उपकरण सबै फोटोग्राफी र भिडियोग्राफी प्रेमीहरू, डिजिटल सामग्री सिर्जनाकर्ताहरू र भ्लगरहरूका लागि उपयुक्त हुने कम्पनीले जनाएको छ ।
भिभो भि २३ फाइभजी अगाडिको प्यानलमा उत्कृष्ट ५० एमपी अटोफोकस पोट्रेट सेल्फी सुविधाको साथ सुसज्जित हुने जनाइएको छ ।
स्मार्टफोनले स्पष्ट, स्थिर र उज्यालो तस्बिर मात्र नलिएर यसको शिष्ट कार्यसम्पादनले फोटोग्राफरको मज्जा पनि थप्ने दाबी गरिएको छ ।
यसबाहेक, भिभोले पछाडिपट्टि अद्भुत रङ परिवर्तन हुने ग्लास फिचर गरेको छ, जसले उपकरणलाई ग्राहकहरूको लागि आकर्षक वस्तु बनाएको बताइएको छ ।
