आईसीटी समाचार
कर्मचारीले सहयोग नगरे डिजिटाइजेसनमा जान असम्भव हुने मधेश प्रदेशका आन्तरिक मामिला तथा सञ्चार मन्त्री भरत साहले बताएका छन् ।
लिभिङ विथ आईसीटी र आईसीटी फाउण्डेसन नेपालले आयोजना गरेको प्रदेश स्तरीय तेस्रो डिजिटल मधेश सम्वाद ३.० मा बोल्दै मन्त्री साहले त्यस्तो बताएका हुन् ।
जनप्रतिनिधिले नियम मात्र बनाउने हुँदा लागू गर्ने सर्वोपरी जिम्मेवारी कर्मचारीमा रहेको भन्दै कर्मचारीले सहयोग नगरे डिजिटाइजेसन कार्यान्वयन गर्न गाह्रो हुने मन्त्री साहले बताए ।
संघले प्रदेशमा कर्मचारी पठाउने र ती कर्मचारी सक्षम नहुँदा डिजिटाइजेसनमा अप्ठ्यारो परेको उनले बताए ।
‘पालिका, कार्यलयका सिस्टमहरु अपग्रेड छैनन्, डेटाहरु त्यहीँ पुरानो छ, । परिवर्तन गर्न भनेर भन्दा कर्मचारी असक्षम छन्,’ मन्त्री थाहाले भने ।
विश्व डिजिटाइजेसनमा गइरहेको अवस्थामा मधेस प्रदेश पछाडी परे विकासको बाटोमा अवरोध उत्पन्न हुने मन्त्री साहले बताए ।
