दराजको नयाँ वर्ष अफर, सामान खरिद गर्नेलाई निःशुल्क सपिङदेखि बम्पर उपहारमा स्कुटरसम्म

अनलाइन सपिङ्ग सेन्टर दराजले नयाँ वर्ष २०७९ को विशेष उपहार योजना सार्वजनिक गरेको छ । आइतबार एक कार्यक्रमका बीच कम्पनीले नयाँ वर्षको अवसरमा दराजबाट सामान खरिद गर्नेलाई निःशुल्क सपिङ्गदेखि बम्पर उपहारमा स्कुटरसम्म प्रदान गर्ने घोषणा गरेको हो ।

यो योजना अप्रिल १० अर्थात् चैत्र २७ गते मध्यरातदेखि नै सुरु भएको कम्पनीले जनाएको छ । यस वर्षको विशेष उपहार योजना विगतका वर्षहरू भन्दा फरक हुने र आफ्ना ग्राहकहरूलाई थप आकर्षक र रोमाञ्चक सपिङ्गको अनुभव हुने कम्पनीले जनाएको छ ।

कम्पनीका अनुसार यस योजना अन्तर्गत सेवाग्राहीले ६० प्रतिशतसम्मको मेगा डिलमा ५ हजार रुपैयाँसम्मको विशेष छुटको भौचर पाउनेछन् भने, अनलाइन प्रिपेमेन्टमा बैंक कार्ड, ईसेवा र आईएमई पे वालेटबाट एक हजार ५०० रुपैयाँसम्मको छुट पाउनेछन् ।

यस्तै निःशुल्क सपिङ्ग देखि बम्पर उपहारमा एक जना भाग्यशाली ग्राहकलाई यशुदा एस–लाइक स्कुटर समेत प्रदान गरिने कम्पनीले जनाएको छ ।