आईसीटी समाचार
डिजिटाइजेसनमा नगई सरकारले आफ्नो पर्फमेन्स (कार्यप्रगति) देखाउन नसक्ने वीरगन्ज महानगरपालिकाका मेयर विजय कुमार सरावगीले बताएका छन् ।
लिभिङ विथ आईसीटी र आईसीटी फाउण्डेसन नेपालले आयोजना गरेको प्रदेश स्तरीय तेस्रो डिजिटल मधेस सम्वाद ३.० मा बोल्दै मेयर सरावगीले त्यस्तो बताएका हुन् ।
प्रदेश, स्थानीय तह तथा वडा सम्पूणर् निकायहरुले डिजिटाइजेसनमा गएर डेटा सिस्टम सिंक्रोनाइज गर्न आवश्यक रहेको उनको बताए ।
‘जे काम गर्न पनि अहिले त डेटा चाहिन्छ, तर हामीसँग डेटा नै छैन । डेटा नभएसम्म हामीले योजना पनि बनाउन सक्दैनौं । यसैले हामीले गर्न चाहेका काम पनि गर्न सकिरहेका छैनौं ।’ मेयर सरावगीले भने ।
सूचना प्रविधिको प्रयोग नगरे सरकार पछाडी पर्ने बताउँदै, आफूहरुले करारमै भए पनि प्रविधिमा सक्षम कर्मचारीहरुलाई राखेको मेयर सरावगीले बताए ।
प्रविधिको प्रयोग गर्दा छोटो समयमै प्रतिफल मिल्ने भन्दै उनले वीरगन्ज महानगरपालिकाको ३२ वार्ड १५ दिनमा डिजिटाइज गरिसक्ने बताए ।
उनले कुनै पनि नगरबासी पालिकाको कार्यलय आउन नपर्ने भन्दै सबैका लागि सेवा घरभित्रै आउने बताए ।
