आईसीटी समाचार
आईओएसमा प्राईभेसी फिचरहरु रहेता पनि कयौँ एपले अझै पनि प्रयोगकर्ताको डेटा ट्रयाक गरिरहेको पाइएको छ । एप्पले केही समय अघि डेटा ट्रयाक गरेको थाहा पाउन एप ट्रयाकिङ्ग ट्रान्सप्यारेन्सी फिचर ल्याएको थियो ।
केही एप निर्माताहरुले आईओएसले प्राइभेसी फिचर ल्याए पनि प्रयोगकर्ताको डेटा ट्रयाक गर्ने नयाँ तरिका अपनाएका छन् ।
आर्स टेक्नीकाले गरेको एक अध्ययन अनुसार आईओएसको प्राइभेसी फिचरलाई छलेर प्रयोगकर्ताहरुको डेटा ट्रयाक गर्न थालिसेकेका छन् ।
अन्वेषकहरुले आईओएसका नौं ओटा एपहरूमाथि अध्ययन गरेका थिए । ती एपहरुले सर्भर साइड कोड प्रयोग गर्ने गरेको र एप ट्रयाकिङ बन्द रहे पनि डेटा ट्रयाक भईरहेको थियो । यो सर्भर साइड कोड चिनियाँ कम्पनीले अलिबाबाले दिएको पाइएको छ र डेटा ट्रयाक गरिरहेको छ ।
आर्स टेक्नीकाले गरेको अन्वेषणमा आईओएस प्राईभेसी फिचर सार्वजनिक हुनुभन्दा अगाडि र पछिको १ हजार ७५९ एपहरुको डेटा ट्रयाकिङ्ग दरलाई मूल्याकंन गरिएको थियो । यी एपहरु मध्ये ८० प्रतिशत एपको एक न एक ट्रयाकिङ्ग लाइब्ररी रहेको पाइएको छ ।
