आईसीटी समाचार
ल्यापससका सदस्यहरु गिरफ्तार हुनुअघि ल्यापससले टि मोबाइलको सोर्सकोड चोरी गरेको पाइएको छ । लन्डन पुलिसले मार्चमा ल्यापसस ह्याक अन्तर्गत सात जनालाई प्रक्राउ गरेको थियो ।
बिबिसी न्यूजको रिपोर्ट अनुसार सिटी अफ लण्डन पुलिसले १६ देखि २१ वर्षको उमेरको सात जनालाई पक्राउ गरेको थियो ।
उनीहरुले पाएको सोर्स कोडमा कम्पनीको महत्वपूर्ण जानकारी र ग्राहकको निजी जानकारी नरहेको कम्पनीको ठहर रहेको छ ।
यस समूहको नेतृत्व गर्ने १६ वर्षीय ब्रिचबेच वा ह्वाइटले ल्यापसस आक्रमण गरेरै बिटक्वाइनमा १४ मिलियन डलर कमाएको पनि पाइएको थियो ।
हालैमा माइक्रोसफ्टको संवेदनशील डेटाको स्क्रीनसट लिक भएपछि त्यो ह्याक पनि ल्यापससले गरेको थाहा भएको थियो । त्यस्तै ल्यापससले सामसङ, एनभिडिया जस्ता कम्पनीहरुलाई पनि ह्याक गरेको थियो ।
ह्याकरहरुले सामसङको १९० जीबी संवेदनशील डेटा चोरी गरेको दावी गरेका थिए । ह्याकहरू बुटलोडर सोर्स कोड चोर्न पनि सफल भएका थिए । लिकमा क्वालकमको संवेदनशील डेटा पनि रहेको थियो ।
ल्यापससको अनुसार उनीहरुले एनभिडियाको एक टेराबाईट डेटा चोरी गरेका छन्, जसमा स्केमाटिक्स र ड्राइभर सोर्स कोड रहेको थियो ।
