आईसीटी समाचार
ह्वावेको १९ औं वार्षिक ग्लोबल एनालिस्ट शिखर सम्मेलन सम्पन्न भएको छ । एक हाइब्रिड कार्यक्रम रहेको शिखर सम्मेलनले उद्योग विश्लेषक, वित्तीय विश्लेषक, प्रमुख नेताहरू र विश्वभरका मिडिया प्रतिनिधिहरूलाई भविष्यको उद्योग प्रवृत्ति र ह्वावेको विकास रणनीति बारे थप जान्न कार्यक्रमको आयोजना गरिएको हो ।
कार्यक्रममा ह्वावेका रोटेटिंग अध्यक्ष केन हुले इनोभेसन र ग्रीनर इन्टेलिजेन्ट संसारको निर्माण गर्न ह्वावेको दृष्टिकोण राखेका छन् ।
‘हामी इनोभेसनको लागि हाम्रो दृष्टिकोणलाई बलियो बनाउनेछौं, सबै उद्योगहरूलाई डिजिटल र इन्टेलिजेन्ट बनाउन सुसज्जित गर्नेछौं र लो-कार्बन विश्व निर्माण गर्न मद्दत गर्नेछौं,’ हुले भने, ‘यी हाम्रो कम्पनीको भावी विकासको लागि महत्वपूर्ण छन् ।’
इनोभेसनमा केन्द्रित
कम्पनीले ५.५ जी र एफ ५.५ जीसँग १० जीबीपीएस कनेक्टिभिटिहरू विकास गरिसकेको छ । अब अर्को विकास वायरलेस र फिक्स्ड नेटवर्कहरूमा हुने उनले बताए ।
यसले एकैसाथ घरहरूमा थप इमर्सिभ अनुभवका साथै औद्योगिक नियन्त्रण परिदृश्यहरूको लागि लो ल्याटेन्सि र हाई रिलाएबिलिटी समावेश गरी फराकिलो दायराको निस नेटवर्क आवश्यकताहरूलाई समर्थन गर्दछ ।
त्यस्तै क्लाउड सेवाहरूमा ह्वावेले मेटास्टुडियो निर्माण गरिरहेको छ, जुन एक क्लाउड-आधारित एन्ड-टु-एन्ड डिजिटल कन्टेन्ट पाइपलाइन हो । यसले डिजिटल कन्टेन्ट उत्पादनलाई धेरै छरितो गर्नेछ ।
उपकरणहरूको सन्दर्भमा ह्वावेले उपभोक्ताहरूलाई उनीहरूको जीवनका सबै पक्षहरूमा प्रयोगकर्ता-केन्द्रित इन्टेलिजेन्ट अनुभव प्रदान गर्ने लक्ष्य राखेको छ, जसलाई कम्पनीले सिमलेस एआई लाइफ अनुभव भन्दछ ।
भ्यालु सिर्जना गर्दै
ह्वावेले आफ्ना उत्पादनहरू र उत्पादन पोर्टफोलियोहरूलाई विभिन्न औद्योगिक परिदृश्यहरूमा अनुकूलन गरिरहेको छ ।
ह्वावे क्लाउडलाई आधारभूत मानेर ह्वावेले ‘एभरीथिंग एज अ सर्भिस’ प्रदान गर्ने, पूर्वाधार, प्रविधि र विशेषज्ञतालाई क्लाउड-आधारित सेवाहरूमा परिणत गर्ने र विभिन्न उद्योगहरूमा ग्राहकहरूको लागि क्लाउड माइग्रेसनलाई सजिलो बनाउने लक्ष्य राखेको छ ।
ह्वावेले विशेष उद्योगहरूलाई ध्यान केन्द्रित गरी एकीकृत टोली पनि निर्माण गरिरहेको छ, जसमा विशेषज्ञहरूको समूह हुनेछ । ह्वावेले प्रत्येक उद्योगको लागि लक्षित डिजिटल रूपान्तरण सोलुसनहरू प्रदान गर्नु र ग्राहकको आवश्यकतालाई ध्यानमा राखि प्रडक्ट ल्याउनु रहेको उनी बताउँछन् ।
लो-कार्बनमा जोड
ह्वावेले नवीकरणीय ऊर्जाको उत्पादनलाई बढावा दिन एआई, क्लाउड र अन्य क्षमताहरूसँग पीभी क्षेत्रलाई पुन: परिभाषित गर्न लागेको हुले बताए ।
ह्वावेले ग्रीन आइसिटी पूर्वाधारका लागि प्रणालीस्तरको लो-कार्बन सोलुसनहरू पनि वायरलेस बेस स्टेशनहरू र डाटा केन्द्रहरूमा ध्यान केन्द्रित गर्दै विकास गरिरहेको छ ।
‘हामीले ग्राहक र समाजका लागि भ्यालु सृजना गर्दै ननस्टप इनोभेसन मार्फत कार्यहरुलाई निरन्तरता दिइरहनु पर्छ’, केन हुले भने, ‘हामी हाम्रो ग्राहक र साझेदारहरुसँग एक ग्रीनर इन्टेलिजेन्ट संसार निर्माण गर्नको लागि अधिक निकटबाट काम गर्न तत्पर छौं ।’
आफ्नो इनोभेसन रणनीतिको अतिरिक्त ह्वावेले भविष्यका लागि आफ्नो दूरगामी दृष्टिकोण र त्यहाँ पुग्नको लागि गरिरहेको केही अन्वेषणहरू पनि सेयर गरेको छ ।
आफ्नो मन्तव्यमा ह्वावेको रणनीतिक अनुसन्धान संस्थानका अध्यक्ष डा. झोउ होङले साहसी परिकल्पना र भिजनका साथ भविष्यका लागि काम गर्नुपर्ने बताए ।
कार्यक्रममा नयाँ प्रविधिहरूको चुनौती बारे पनि छलफल गरिएको थियो । ह्वावे ग्लोबल एनालिस्ट शिखर सम्मेलन पहिलो पटक २००४ मा आयोजित भएको थियो र १९ वर्ष देखि वार्षिक रूपमा जारी छ ।
यस कार्यक्रमले ह्वावेको व्यवसायका विभिन्न पक्षहरूमा ब्रेकआउट सेसनहरूको विस्तृत दायरा समावेश गरेको कम्पनीले जनाएको छ ।
