आईसीटी समाचार
काठमाडौं । चौंथो राष्ट्र्रिय सूचना तथा सञ्चार प्रविधि दिवस २०७९ को अवसरमा नेपाल टेलिकमले नेश्नल आईसीटी अफर उपलब्ध गराउने भएको छ ।
ग्राहकहरुका लागि टेलिकमले अनलिमिटेड डाटा र भ्वाइससहितको कम्बो प्याक, डाटा प्याक र बोनस अन रिचार्ज उपलब्ध गराउने भएको हो । यो अफर बैशाख १८ देखि बैशाख २४ सम्म उपलब्ध हुनेछ ।
अफर अन्तर्गत ९८ रुपैयाँमै ३ दिनसम्म प्रयोग गर्न सकिने ६ जीबी डाटा प्याक रहने छ । त्यसैगरी २४ घण्टासम्म प्रयोग गर्न सकिने एक एमबिपिएस अनलिमिटेड डाटा र अन नेट अनलिमिटेड कुराकानी गर्न सकिने प्याक ९९ रुपैयाँको प्याक राष्ट्रिय सूचना तथा सञ्चार दिवसको अवसरमा ५० प्रतिशत छुटसहित जम्मा. ४९ रुपैयाँ मा उपलब्ध हुनेछ ।
यसका साथै २ सय देखि ४ सय ९९ रुपैयाँसम्मको एमपोस रिचार्ज गर्दा दुई दिनसम्म प्रयोग गर्न सकिने १ जिबीको डाटा प्याक र ५ सय तथा सोभन्दा बढीको एमपोस रिचार्ज गर्दा ४ दिनसम्म प्रयोग गर्न सकिने २ जीबी डाटा प्याक पनि टेलिकमले प्रदान गर्नेछ ।
एस्ट्रिक १४१५ एस्ट्रिक ११ ह्यास डायल गरीवा ‘नेपाल टेलिकम एप’ प्रयोग गरी सो सुविधा खरिद गर्न सकिन्छ ।
