आईसीटी समाचार
स्वास्थय तथा जनसंख्या मन्त्रालयले विज्ञप्ति जारी गर्दै विभागको पूर्व अनुमति नलिईकन औषधिहरुको झुट्टा तथा भ्रमात्मक प्रचार र अनलाइन फार्मेसीसँग सम्बन्धित कार्यहरु गर्न नपाइने बताएको छ ।
हालमा विभिन्न सामाजिक सञ्जाल, पत्रपत्रिका, अनलाइनहरुमा छुट वा अफर दिई औषधीहरुको गैरकानूनी विक्रि भईरहेको कारणले यो कार्य गैरकानूनी रहेको बताउँदै स्वास्थय तथा जनसंख्या मन्त्रालयल उक्त सूचना जारी गरेको हो ।
अनुमति नलिइकन औषधिको प्रचार प्रसार गैरकानूनी रहेको ऐनको दफा १९ मा उल्लेख भएकै कारण सो कार्य नगर्न विभागले निर्देशन दिएको छ ।
विभागले अहिलेसम्म कुनै पनि अनलाइन फार्मेसी उजुरी नभएको पनि खुलाएको छ । यस्ता अनलाइन फार्मेसीले विभिन्न छुटको अफर ल्याएर गैरकानूनी रुपमा औषधीहरुको विक्रि वितरण गरिरहेको विषयमा खेद प्रकट गरेको छ ।
त्यस्तै अनलाइन फार्मेसीमा विक्रि हुने औषधीहरुको गुणस्तरीयता, प्रभावकारीता र सुरक्षित कतिको छ भन्ने कुराको जानकारी नभएकाले विभागले सबै औषधी उपभोक्ता तथा विरामीलाई स्वः जिम्मेवार हुनुपर्ने र सकेसम्म यस्तो औषधी प्रयोग नगर्न अनुरोध गरेको छ ।
यो गैरकानूनी क्रियाकलाप सञ्चालन गरिरहेमा नियमबमोजिम कारवाही गरिने विभागको ठहर छ ।
