आईसीटी समाचार
बीबीसी नेपाली सेवाको रेडियो प्रसारणमा परिवर्तन हुने भएको छ । आउँदो जेठ १६ गतेदेखि बीबीसी नेपाली सेवाको बिहानी प्रसारण बन्द हुने भएको हो ।
अहिलेसम्म बीबीसी नेपालीको बिहानी सेवा १५ मिनेट प्रसारण हुँदै आएको छ । त्यस्तै बेलुकीको प्रसारण पनि अब १५ मिनेट मात्र हुने बीबीसी नेपाली सेवाले जनाएको छ । बीबीसी नेपाली सेवाले अब आफुलाई डिजिटलमा केन्द्रित गर्ने भएको छ ।
श्रोता र पाठकको बढ्दो रूचिलाई अझ बलियोसँग सम्बोधन गर्न डिजिटल माध्यमलाई सशक्त बनाउने बीबीसीको नीतिअनुसार यो परिवर्तन गर्न लागिएको बीबीसीले नेपाली सेवाले जानकारी दिएको छ ।
