आईसीटी समाचार
चिकित्सा शिक्षा आयोगबाट सञ्चालन हुने एकीकृत प्रवेश परीक्षाको अनलाइन आवेदन दिदा अब राष्ट्रिय परिचयपत्र नम्बर उल्लेख गर्नुपर्ने भएको छ ।
आयोगले एक सूचना प्रकाशित गर्दै एकीकृत प्रवेश परीक्षाका लागि अनलाइन आवेदन फाराम भर्दा राष्ट्रिय परिचयपत्र नम्बर उल्लेख गर्नुपर्ने जानकारी दिएको हो ।
चिकित्सा शिक्षा आयोगबाट सञ्चालन हुने डीएम/एमसीएच, स्नातकोत्तर तह र स्नातक तहका विभिन्न शैक्षिक कार्यक्रमहरूको एकीकृत प्रवेश परीक्षाका लागि अनलाइन आवेदन फाराम भर्दा आवेदकको राष्ट्रिय परिचयपत्र नम्बर उल्लेख गर्नुपर्ने जनाएको छ ।
साथै चिकित्सा शिक्षा आयोगले सम्भावित सम्पूर्ण उम्मेद्वारहरूले समयमै राष्ट्रिय परिचयपत्र बनाउन आग्रह गरेको छ ।
