आईसीटी समाचार
असार मसान्तसम्म अनिवार्य इम्बोस्ड नम्बर प्लेट जडान गर्नुपर्ने निर्णयबाट यातायात व्यवस्था विभाग पछाडि हटेको छ । मंगलबार एक विज्ञप्ती जारी गर्दै विभागले साउन १ गतेदेखि सबै सवारीसाधनमा इम्बोस्ड नम्बर प्लेट अनिवार्य गर्न नखोजिएको स्पष्ट पारेको हो ।
विभागले शुक्रबार एक सूचना निकाल्दै बागमती र गण्डकीका सबै सवारीसाधनले असार मसान्तसम्ममा अनिवार्य इम्बोस्ड नम्बर प्लेट राख्नुपर्ने नभए साउन १ देखि कारबाही हुन चेतावनी दिएको थियो ।
तर सामाजिक सञ्जालदेखि संसदसम्म चौतर्फी विरोध भएपछि सो निर्णयबाट विभाग पछाडि हटेको छ ।
शुक्रबारको सूचना अनुसार साउनदेखि अनिवार्य गर्ने भनिएका सवारीसाधनमा इम्बोस्ड नम्बर प्लेट जडान भएको/नभएको अनुगमन गरिने र अन्य सवारीको हकमा सम्बन्धि यातायात कार्यालयबाट तोकिएको समय अनुसार जडान गर।दै जाने विभागले जनाएको छ ।
