आईसीटी समाचार
दश करोडभन्दा बढी कारोबार गर्ने कम्पनीले अब अनिवार्य विद्युतीय बिजक अर्थात ईबिलिङ जारी गर्नुपर्ने भएको छ ।
आन्तरिक राजस्व विभागले एक सूचना जारी गर्दै साउन १ गतेदेखि १० करोड माथिको जुनसुकै वस्तु तथा सेवाको कारोबार गर्ने कतदाताले अनिवार्य ईबिलिङ जारी गर्नुपर्ने भएको हो ।
सरकारले आगामी आर्थिक वर्षका लागि आर्थिक ऐन २०७९ ले मूल्य अभिवृद्धि कर ऐन र आयकर ऐन परिमार्जन गरेसँगै साउनदेखि उक्त व्यवस्था लागू हुने भएको हो ।
यसँगै आर्थिक वर्ष २०७७/७८ वा २०७८/७९ को भ्याट तथा आय विवरणमध्ये कुनै एक आवको कारोबार रकम १० करोडभन्दा बढी जुनसुकै वस्तु तथा सेवाको कारोबार गरेका करदाताहरुले विद्युतीय बिजक जारी गर्नुपर्नेछ ।
तर यो नियम बैंक तथा वित्तिय संस्थालाई लागु हुने छैन् । विद्युतीय माध्यमबाट बीजक जारी गर्ने व्यक्तिले विभागमा सूचीकरण गरिएका विद्युतीय उपकरण तथा सफ्टवेयर मात्र प्रयोग गर्नुपर्नेछ ।
