आईसीटी समाचार
महालेखा परीक्षकको कार्यालयले नागरिकता, राहदानी लगायतका दस्तावेज हुलाक मार्फत होम डेलिभरी गर्न सुझाव दिएको छ ।
बुधबार सार्वजनिक भएको महालेखा परीक्षकको ५९ औं प्रतिवेदनले हुलाक सेवाको पुनर्संरचना गर्दै गरिकता, राहदानी लगायतका दस्तावेज हुलाकमार्फत सम्बन्धित स्थानमा पुर्याउने व्यवस्था गर्न सुझाव दिएको हो ।
हुलाक सेवाको पुनर्संरचना गरी हुलाक सेवालाई आधुनिक र प्रविधियुक्त बनाउँदै सम्भाव्यताको आधारमा सेवाको क्षेत्र विस्तार गरी नागरिकता, राहदानी लगायत दस्तावेज हुलाकमार्फत् सम्बन्धित स्थानमा पुयाउने व्यवस्था गर्नुपर्ने प्रतिवेदनमा उल्लेख गरिएको छ ।
पछिल्लो केही समय यता पार्सल तथा चिठीपत्र सेवामा निरन्तर कमी आइरहेको छ । विभाग र मातहतका कार्यालयमा विभिन्न तहमा कुल ६ हजार २९४ दरबन्दी रहेको र वार्षिक रूपमा औसत चालु खर्च रू.३ अर्ब १० करोड हुने गरेको छ ।
