आईसीटी समाचार
सिंहदरबारस्थित सरकारी एकीकृत डाटा केन्द्र तथा हेटौंडास्थित डिजास्टर रिकभरी केन्द्रले प्रदान गर्ने सेवाको गुणस्तर सुनिश्चित गर्न महालेखाले निर्देशन दिएको छ ।
महालेखा परीक्षकको ५९ औं प्रतिवेदनले सरकारी एकीकृत डाटा सेन्टर तथा हेटौंडास्थित डिजास्टर रिकभरी केन्द्रले प्रदान गर्ने सेवाको गुणस्तर सुनिश्चित गर्न मान्यता प्राप्त स्वतन्त्र निकायबाट गुणस्तर परीक्षण गराउनु पर्ने बताएको छ ।
‘एकीकृत डाटा केन्द्र तथा हेटौंडास्थित डिजास्टर रिकभरी केन्द्रले सञ्चालन प्रक्रिया, पूर्वाधार विकास, सुरक्षा पहुँच तथा नियन्त्रण र गुणस्तर सम्बन्धि राष्ट्रिय वा अन्तर्राष्ट्रिय स्वतन्त्र निकायबाट गुणस्तर परीक्षण नगराउनुका साथै आईएसओ मापदण्डअनुसार स्तर निर्धारण प्रमाणपत्र लिएको पाइएन्,’ प्रतिवेदनमा भनिएको छ ।
एकीकृत डाटा केन्द्र तथा हेटौंडास्थित डिजास्टर रिकभरी केन्द्रलाई राष्ट्रिय सूचना प्रविधि केन्द्रले व्यवस्थापन गरिरहेको छ । सिंहदरबारको डाटा केन्द्रमा अवरोध आए सेवा सुचारू राख्न र डाटाको वैकल्पिक भण्डारको रूपमा हेटौंडाको डाटा सेन्टरलाई प्रयोग गर्ने गरिएको छ ।
