आईसीटी समाचार
इन्टरनेट सेवा प्रदायक संस्था सीजी नेटले सुपर भ्यालु प्लान ल्याएको छ । कम्पनीले यसअघि भएका प्याकेजलाई परिमार्जन गर्दै सुपर भ्यालु प्लान अन्तर्गत तीनवटा प्याकेज ल्याएको हो ।
यसअन्तर्गत ७५ एमबीपीएसको स्प्रिन्टर प्याकेज, १५० एमबीपीएसको पपुलर प्याकेज र ३०० एमबीपीएसको रकस्टार प्याकेज रहेका छन् ।
७५ एमबीपीएसको स्प्रिन्टर प्याकेजको मूल्य ६८०, १५० एमबीपीएसको पपुलर प्याकेजको मूल्य ९२५ र ३०० एमबीपीएसको रकस्टार प्याकेजको मूल्य १ हजार २४४ रूपैयाँ तोकिएको छ । एकैपटक एक वर्षको भुक्तानी गर्दा डुअल ब्याण्ड राउटर समेत निःशुल्क पाइने छ ।
कम्पनीले इन्टरनेट जडान निःशुल्क गर्नेछ भने तार पनि निःशुल्क प्रदान गर्नेछ । त्यस्तै राउटरको लागि ५०० रूपैयाँ डिपोजिट गर्नुपर्नेछ । राउटर रिफण्ड गर्दा डिपोजिट रकम समेत फिर्ता हुनेछ ।
