आईसीटी समाचार
१७ वर्षिय नेपाली युवाले लिनक्समा आधारित अपरिटङ सिस्टम बनाएका छन् । स्याङ्जाका नविन तिवारीले लिनक्समा प्रणालीमा आधारित मेटिस लिनक्स नामक अपरेटिङ सिस्टम बनाएका हुन् ।
यो अपरेटिङ सिस्टम लाइटवेट रहेको छ । यसलाई इन्स्टल गर्दा कम्प्युटरको २५० एमबी र्याम मात्रै खपत गर्नेछ । मेटिस लिनक्स ओएस सन् २०२१ को मार्चमा बनाउन सुरू गरेको उनले बताए ।
सुरूमा मेटिस लिनक्स एक्लै बनाउन कस्सिएपनि पछि गएर योगेश लामिछाने र सफल पिया पनि यस परियोजनामा जोडिएका छन् ।
अन्य अपरेटङ सिस्टममा अनावश्यक प्याकेज आउने र ब्लोटेड हुने भएका कारण आफ्नै अपरेटिङ सिस्टम बनाउने आईडिया आएको उनले बताए । ‘म आफ्नै अपरेटिङ सिस्टम बनाउन चाहन्थे,’ नवीनले भने, ‘जहाँ के प्याकेज इन्स्टल गर्ने, के रन गर्ने र के नगर्ने आफै निर्णय लिन सकियोस् ।’
सी र सी प्लस प्लस प्रोग्रामिङ ल्याङ्वेजको समिश्रणबाट मेटिस लिनक्स तयार पारिएको हो । यसमा फायरफक्स ब्राउजर डिफल्ट उपलब्ध हुनेछ । यसमा अनावश्यक प्याकेजहरू राखिएको छैन् ।
मेटिस लिनक्सले विन्डो म्यानेजर सपोर्ट गर्दछ । यसमा लिनक्समा जस्तै कमाण्ड हान्नु पर्ने हुन्छ । नेपालमा अहिलेसम्म यस्तो खालको अपरेटिङ सिस्टम कसैले पनि नबनाएको तिवारीको दावी छ ।
यदी तपाई मेटिस लिनक्स अपरेटिङ सिस्टम प्रयोग गर्न चाहनुहुन्छ भने सुरूमा यहाँ क्लिक गर्नुहोस् । त्यसपछि डाउनलोडमा गएर अपरेटिङ सिस्टम डाउनलोड गरी इन्स्टल गर्न सक्नुहुन्छ ।
