आईसीटी समाचार
अनलाइन लर्निङ प्लेटफर्म निमा एकेडेमी निबन्ध प्रतियोगिता आयोजना गरेको छ । कक्षा १० का विद्यार्थीहरूका लागि एकेडेमीले राष्ट्रव्यापी निबन्ध प्रतियोगिता आयोजना गरेको हो ।
कक्षा १० मा अध्ययन गरिरहेका विद्यार्थीहरूले ‘दि स्कोप अफ ईलर्निङ इन नेपाल अर्थात नेपालमा ई-लर्निङको दायरा’ विषयमा निबन्ध लेखेर पठाउन सक्नेछन् ।
निबन्ध कम्तिमा पनि १२०० शब्दको हुनुपर्नेछ । निबन्ध लेखेर आउँदो साउन १३ गतेसम्म [email protected] मा पठाउनु पर्नेछ । कम्पनीका अनुसार नतिजा साउन १५ गते घोषणा गरिने छ ।
निबन्ध प्रतियोगितामा प्रथम हुनेले ३ हजार रूपैयाँ र एउटा गुडी ब्याग पुरस्कार दिइने छ । त्यस्तै दोस्रोलाई २ हजार रूपैयाँ र गुडी ब्याक तथा तेस्रोलाई १ हजार रूपैयाँ र एउटा छाता पुरस्कार दिइने कम्पनीले जानकारी दिएको छ । साथै विजेतालाई एक वर्षको सब्सक्रिप्सन पनि निःशुल्क प्रदान गरिने छ ।
