आईसीटी समाचार
सूचना प्रविधि सम्बन्धि ट्रेनिङ दिने नेपालको अग्रणी कम्पनी ब्रोडवे इन्फोसिस १४ वर्ष पूरा गरी १५ वर्षमा प्रवेश गरेको छ । सस्तो र गुणस्तरीय आईटी ट्रेनिङ दिन सन् २००८ मा ब्रोडवे इन्फोसिस स्थापना भएको थियो ।
निरन्तरको मेहनतपछि ब्रोडवे आज एउटा ब्राण्डको रूपमा दरिएको छ । ब्रोडवे इन्फोसिसका प्रबन्ध निर्देशक तथा संस्थापक राजु अधिकारीले एकेडेमीया र उद्योगबीचको ग्यापलाई कम गर्न कम्पनीले काम गरिरहेको बताए ।
‘ब्रोडवेले विभिन्न आईटीका तालिमहरू प्रदान गर्दै आएको छ,’ उनले भने, ‘सस्तोमा गुणस्तरीय तालिम प्रदान गर्ने हाम्रो उद्देश्य अनुरूप बेला बेला अफर र छात्रवृतिको सुविधा पनि प्रदान गरिरहेका छौं ।’
आफ्नो १५ औं वार्षिकोत्सवको अवसरमा ब्रोडवेले ‘१५ दुना ३०’ नामक नयाँ अफर समेत ल्याएको छ । यस अफर अन्तर्गत ब्रोडवेले प्रदान गर्ने हरेक कोर्षमा ३० प्रतिशत छुट पाइने छ ।
यो अफर जुलाईको अन्तिमसम्म मात्र लागु हुनेछ । यदी तपाई पनि ब्रोडवे इन्फोसिसबाट आईटी तालिम लिन चाहनुहुन्छ भने यहाँ क्लिक गरेर सम्पर्क गर्न सक्नुहुनेछ ।
