आईसीटी समाचार
साओमीले रेड्मी १० ए नेपाली बजारमा सार्वजनिक गरेको छ। सस्तो मूल्यमा रेड्मी १० सिरिजको पछिल्लो नवीनतम उपकरण रेड्मी १० ए नेपालमा उपलब्ध भएको हो ।
रेड्मी १० एमा ६.५३ इन्च एचडी प्लस डिस्प्ले रहेको छ । यसमा भएको थ्रिडी कर्भड ब्याकले प्रयोगकर्ताहरूलाई सहज अनुभव प्रदान गर्ने कम्पनीको भनाइ छ ।
यसमा १३ मेगापिक्सेल मेन क्यामेरा र २ मेगापिक्सेल डेप्थ क्यामेरा राखिएको छ । फोनमा मिडियाटेक हिलियो जि २५ प्रोसेसर जडित छ, जुन २.० गिगाहर्जसम्मको क्षमता रहेको अक्टा–कोर सिपियू हो ।
यसमा ५ हजार एमएएच ब्याट्री छ । रेड्मी १० ए बजारमा ग्रेफाइट ग्रे, क्रोम सिल्भर र स्काई ब्लू गरि तीन रंगहरूमा उपलब्ध छ ।
यो फोन २ जीबी र्याम प्लस ३२ जीबी रोम र ३ जीबी र्याम प्लस ६४ जीबी स्टोरेज भेरियन्टमा उपलब्ध छ, जसको मूल्य क्रमशः रु. १३,९९९ र रु. १५,९९९ रहेको छ । रेड्मी १० ए साउन १३ गतेदेखि देशभरका सबै अधिकृत मी स्टोरहरूमा उपलब्ध भएको छ ।
