आईसीटी समाचार
सामसंगले ग्यालेक्सी एस २२ फोनमा एन्ड्रोइड १३ मा आधारित वान यूआई फाइभ बेटा सार्वजनिक गरेको छ । यो बेटा अपडेट कम्पनीले दक्षिण कोरिया, अमेरिका र जर्मनीमा रहेका ग्यालेक्सी एस २२ फोनहरुका लागि उपलब्ध रहेको छ ।
यो अपडेट सामसंको अनप्याक्ड ईभेन्टको केही दिन अघि सार्वजनिक भएको हो । वान यूआई फाइभ बेटाले प्रयोगकर्ताहरुलाई कस्टोमाइज गर्ने अप्सन, नोटिफिकेसनको विभिन्नि फिचर र नयाँ एक्सेसिबिलीटी तथा सुरक्षा सेटिंगको फिचर दिने गर्दछ ।
यसमा वालपेपरको आधारमा १६ ओटा प्रिसेट कलर थिम पनि रहेको छ । यसबाहेक होम स्क्रीनसँग पनि कलर मिल्नका लागि थप बाह्र रगं पनि राखिएको छ ।
यस अपडेटले एकै साइज भएको विजेटलाई एक माथि अर्को गरेर पनि राख्न दिन्छ । यसमा नयाँ म्याग्निफायर टूल पनि रहेको छ जसले फोनको क्यामेरा प्रयोग गरेर वास्तविक वस्तु तथा टेक्सटमा जूम इन गर्न दिने गर्दछ ।
यो सँगै यस अपडेटले किबोर्ड इन्पुटलाई बोलेर पढ्न दिन्छ । यसमा नोटिफिकेसनका लागि एप डेभलपरहरुले प्रयोगकर्ताको अनुमति मागेर मात्रै नोटिफिकेसन पठाउन मिल्ने व्यवस्था पनि रहेको छ । कम्पनीले यो अपडेट अरु डिभाइस तथा अरु क्षेत्रहरुमा पनि रोलआउट गर्ने सोचेको छ ।
