आईसीटी समाचार
चिनियाँ प्रविधि फर्मले जिपियू चिप लञ्च गरेर कम्प्युटिंगको लागि नयाँ युग हुने दावी गरेका छन् । बाईरेन टेक्नोलोजी नामक चिनियाँ प्रविधि फर्मले ७ न्यानोमिटरको ग्राफिक प्रोसेसिंग यूनिटको निर्माण गरेको छ ।
कम्पनीले यस चिपको एकदमै राम्रो कम्प्युटिंग क्षमता रहेको दावी गरेको छ । यो चिपको नाम बिआर १०० रहेको छ र यो चिप बजारमा रहेका अरु चिप भन्दा तीन गुणा राम्रो रहेको कम्पनीले दावी गरेको छ ।
यसले सिपियू भन्दा अझै राम्रो कम्प्युटेसनको काम गर्ने गर्दछ । बाईरेनको अनुसार चिपलाई क्लाउडमा आधारित आर्टिफिसियल इन्टेलिजेन्सलाई प्रशिक्षण गर्नका लागि प्रयोग गरिन्छ ।
यसमा मल्टिपल प्रोसेसरहरु प्रयोग गरिएका छन् । यसले एकीकृत ईकोसिस्टम बनाउनलाई मद्दत गर्ने गर्दछ । बाईरेन चिप ताइवान सेमिकण्डकटर म्यानुफ्याक्चरिंग् कम्पनीले निर्माण गरेको हो ।
