आईसीटी समाचार
आफ्नो सेवालाई डिजिटलाइज्ड गरेर थप सरल बनाउने उद्देश्यका साथ एसोसिएसन अफ प्रि–स्कूल एजुकेटर्स नेपाल (अपेन) ले खल्तीसँग साझेदारी गरेको छ ।
यस साझेदारीसँगै अब अपेनसँग आबद्ध रहेका ६०० भन्दा बढी मनटेस्वरीहरुले नवीकरण शुल्क तथा कार्यक्रम शुल्क को सजिलै खल्ती मार्फत् भुक्तानी गर्न सक्नेछन् ।
साथै अपेनसँग जोडिन चाहने मनटेस्वरीहरुले पनि अपेनको रजिस्ट्रेशन शुल्क ‘खल्ती’ बाट भुक्तानी गर्न सक्नेछन् ।
यस सेवा बारे खल्तीका प्रमुख कार्यकारी अधिकृत विनय खड्काले अपेनसँग मिली डिजिटल शिक्षा प्रणालीमा पनि सेवा गर्न पाउनु महत्वपुर्ण अवसर भएको बताए ।
साझेदारीले परम्परागत शुल्क सङ्कलन प्रणालीलाई डिजिटलाइज्ड गर्दै शैक्षिक क्षेत्रको वित्तीय कारोबार अझै सरल र सुरक्षित बनाउने उनको भनाइ छ ।
