आईसीटी समाचार
शनिबार इथिकल ह्याकिङ तथा साइबर सक्युरिटी सम्बन्धि करियर काउन्सिलिङ सेसन हुने भएको छ । सफ्टवेरिका कलेज र टेक एण्ड ट्रेन्डीको सयुक्त सहकार्यमा साइबर सेक्युरिटी सम्बन्धि करियर परामर्श कार्यक्रम आयोजना हुने भएको हो ।
शनिबार बिहान १० बजेदेखि सफ्टवेरिका कलेज डिल्लीबजारको ब्लक ईमा उक्त करियर परामर्श सेसन आयोजना हुने जनाइएको छ ।
कार्यक्रममा प्यानल डिस्कसन समेत हुनेछ । उक्त सेसनमा कुमारी बैंकका एएमएल/सीएफटी म्यानेजर किरण कुमार, सेक्युरिटी इन्जिनियर सुयेश नेपाल, सिस्कोका राम सुन्दर साह, सफ्टवेरिका कलेजको इथिकल ह्याकिङ एण्ड साइबर सेक्युरिटी विभागका प्रमुख मनोज तामाङ, नबिल बैंकका आईएसओ प्रवेश पौडेल र एफवानसफ्ट ग्रुपको एसओसी विभाग प्रमुख असलाम अलीको उपस्थिति हुनेछ ।
सो कार्यक्रममा इथिकल ह्याकिङ र साइबर सेक्युरिटीमा के हो ? कसरी करियर बनाउने ? के के अवसर र सम्भावना छन् ? कसरी सिक्ने लगायतका विषयमा छलफल हुनेछ ।
कार्यक्रमका इथिकल ह्याकिङ र साइबर सेक्युरिटीमा रूची भएका विद्यार्थीहरू सहभागी हुन सक्ने छन् । यदी तपाई पनि सहभागी हुन चाहनुहुन्छ भने
यहाँ क्लिक
गरी रजिष्टर गर्नुहोस् ।
