एससीटीले दमदार दसैँ धमाका अन्र्तगत थ्रीडी अफर गर्याे सार्वजनिक

नेपालीहरूको महान् चाड विजयादशमीलाई लक्षित गरी स्मार्टचोइस टेक्नोलोजिज लिमिटेड (एससीटी) ले दमदार दसैँ धमाका थ्रीडी अफर सार्वजनिक गरेको छ ।

अफर अन्तर्गत एससीटी–यूपीआई डेबिट कार्ड प्रयोगकर्ताले कुनैपनि खरिदमा पोस मार्फत विद्युतीय कारोबार गर्दा ३३.३३ प्रतिशतसम्म क्यासब्याक प्राप्त गर्न सकिने छ । हाल सम्म पनि एससीटी यूपीआई डेबिट कार्ड नलिनु भएका ग्राहकहरूले कार्ड जारी गर्ने कुनै पनि बैंक तथा वित्तीय संस्थामा गई प्राप्त गर्न सक्नेछन् ।

साथै एससीटी–यूपीआई डेबिट कार्ड मार्फत एटीएममा क्यास कारोबार गर्दै आउनु भएका ग्राहकहरूले पनि यो अफर मार्फत रु. १,२०० सम्म क्यासब्याक प्राप्त गर्न सक्नेछन् । त्यस्तै रू. १,५०० बराबर को पोस  कारोबारमा रु. ५०० र रु. ३,००० को कारोबार मा रु. १,००० क्यासब्याक प्राप्त गर्न सकिने यो अफर मार्फत सबै एससीटी–यूपीआई डेबिट कार्ड प्रयोगकर्ताहरूले ३३.३३ प्रतिशत सम्मको क्यासब्याक प्राप्त गर्न सक्नेछन् । अफरको विस्तृत विवरण एससीटीको आधिकारिक वेबसाइटमा राखिएको छ । यो अफर असोज महिना भरि लागु हुनेछ ।