आईसीटी समाचार
काठमाडौँ विश्वविद्यालयको सोसाईटी अफ ईलेक्ट्रिकल एण्ड इलेक्ट्रोनिक्स इन्जिनियरले वार्षिक रुपमा आयोजना गर्दै आएको ईलेक्ट्रिकल एण्ड इलेक्ट्रोनिक्स प्रोजेक्ट एक्जिभिजन (इपेक्स) अन्तर्गतको ह्याकाथनमा टिम आईभी ड्रिपले प्रथम स्थान हासिल गरेको छ । यस टिममा यम राज ओली, ईसा आचार्य, सागर निरौला, सुजित मान श्रेष्ठ रहेका थिए ।
विजयी टिमले स्लाईनलाई निगरानी गर्ने बारे प्रोजेक्ट प्रस्तुत गरेको थियो । त्यस्तै पहिलो रनर अपको स्थान टिम म्याट्रिक्सले लिएको थियो । यस टिममा निर्जल भुर्तेल, अनुपम कोइराला, सौभरभ राज पौडेल र प्रियादर्शन मल्ल रहेका थिए । यस टिमले मेसिन लर्निंगको प्रयोग गरेर गाईको स्वास्थय ट्रयाक गर्ने प्रणालीको विकास गरेको थियो ।
त्यस्तै ईलेक्ट्रिकल एण्ड इलेक्ट्रोनिक्स प्रोजेक्ट एक्जिभिजन (इपेक्स) अन्तर्गतको ह्याकाथनमा क्वीकभर टिमले क्रियटिभ प्राजेक्ट अवार्ड प्राप्त गरेको थियो । क्वीकभर टिममा नसिब डाँगी, पंकज अधिकारी, उद्भव घिमिरे र बंशज पौडेल रहेका थिए । क्वीकभर प्रोजेक्ट जंगलमा हुने अवैध शिकारलाई कम गर्नका लागि निर्मित अल्र्ट मनिटरिगं प्रणाली हो । यसले आवाजकै माध्यमबाट रेन्जर अफिसमा कुनै अवैध शिकारहरु भईरहेको खण्डमा सर्तक गराईदिने काम गर्दछ । यो डिभाइसलाई फरेस्टमा राखेपछि वरिपरीको आवाजलाई डिटेक्ट गर्न सक्छ ।
इपेक्सका संयोजक सशांक दाहालको अनुसार सहभागी १२ जना टिमका सबै सहभागीहरुले उत्कृष्ट प्रस्तुती देखाएको बताएका छन् ।
यस ह्याकाथनमा कुल १७ जना टिम सहभागी भएका थिए । यस मध्ये ५ ओटा टिम छनौटमा परेनन् र बाँकी टिम ह्याकाथनमा छनोट भएका थिए । रातभर ह्याकाथन गरेपछि दिउँसोको १ बजेतिर विद्यार्थीहरुले आफ्नो प्रोजेक्ट प्रस्तुत गर्ने मौका पाएका थिए ।
इपेक्सको प्रमुख उद्देश्य भनेको काठमाडौँ विश्वविद्यालयको ईलेक्ट्रिकल एण्ड इलेक्ट्रोनिक्स इन्जिनियरिगं विद्यार्थीहरुले बनाएको प्रोजेक्टहरुको प्रदर्शनी गर्नु रहेको छ । यसमा करिब दुई हजार विद्यार्थीहरुको सहभागिता रहेको थियो । इपेक्सको अरु कार्यक्रममा प्रोजेक्ट एक्जिभिजन, इन्साइफर नामक म्यागजिनको लञ्च, ईलेक्ट्रिकल र इलेक्ट्रोनिक्स क्षेत्रका विज्ञहरुलाई बोलाएर टक शो र राबो वार जस्ता कार्यक्रमहरु भएका थिए ।
यो कार्यक्रम काठमाडौँ विश्वविद्यालयको मल्टि परपोज हलमा गरिएको थियो । प्रोजेक्ट एक्जिभिसनमा ईलेक्ट्रिकल तथा इलेक्ट्रोनिक्स विभागको प्रथम वर्ष देखि चौथो वर्षसम्मको प्रोजेक्टहरु प्रस्तुत गरिएका थिए र कुल ४० प्रोजेक्टहरु प्रस्तुत गरिएको थियो ।
यसमा रहेका धेरै प्रोजेक्टहरु मध्य फ्ल्ड मनिटरिंग एण्ड अल्र्टींग सिस्टम, सेल्फ ब्यालेन्सिंग बोट, ड्राइभर ड्राउजीनेस डिटेक्सन, रोबोटिक आर्म राईटर र भेइकल सिमुलेटर फर ट्रोनिंग एण्ड रिह्याबिलेसन केही प्रोजेकट रहेका थिए । रोबो वारमा ७ ओटा टिमले सहभागिता जनाएका थिए ।
यसमा रोयल जम्बल पनि गराइएको थियो । यसमा टिम बलियोले रोबो वार जितेर ८० हजार बराबारको प्राइज पुल प्राप्त थिए । यस प्रतिस्पर्धामा दोस्रो स्थान टिम जुनियरले प्राप्त गरेको थियो ।
