कात्तिकदेखि शनिबार सञ्चालन हुँदै आएको विद्युत महशुल संकलन काउन्टर बन्द हुने

शनिबार सञ्चालन हुँदै आएको विद्युत महशुल संकलन काउन्टर बन्द हुने भएको छ । एक सूचना प्रकाशित गर्दै नेपाल विद्युत प्राधिकरणले आउँदो कात्तिक १ गतेदेखि लागु हुने गरी  शनिबार सञ्चालन हुँदै आएको विद्युत महशुल संकलन काउन्टर बन्द हुने जानकारी दिएको हो ।

यसअघि ग्राहकको भीडलाई मध्यनजर गर्दै प्राधिकरणले अतिरिक्त सहुलियतका रूपमा शनिबार पनि विद्युत महशुल संकलन काउन्टर खोल्दै आएको थियो ।

तर अब खोलिराख्न आवश्यक नभएकाले असोज ११ गतेको निर्णय अनुसार काउन्टर बन्द हुने लागेको प्राधिकरणले जनाएको छ ।

हाल हरेक दिन विहान १० बजेदेखि राति १२ बजेसम्म विभिन्न सेवा प्रदायक मार्फत अनलाइन भुक्तानी माध्यबाट भुक्तानी गर्न सकिने व्यवस्था प्राधिकरणले गरेको छ ।

ग्राहकले ईसेवा, खल्ती, इसेवा, सेलपे, सजिलो पे, आईएमई पे, पे वेल, नमस्ते पे, आईक्यास, हिमालयन बैंक, प्रभु बैंक, नेपाल इन्भेष्टमेन्ट बैंक र महालक्ष्मी विकास बैंकबाट महशुल तिर्न सकिने छ ।